కారుమూరి వెంకట నాగేశ్వరరావు గారు 1964 అక్టోబర్ 2న కారుమూరి రామకృష్ణ మరియు కారుమూరి సూర్యకాంతమ్మ దంపతులకు  పశ్చిమగోదావరి జిల్లా అత్తిలిలో జన్మించారు. 18 ఏళ్ల వయసులో హైదరాబాద్‌కు వెళ్లి సొంతంగా ఫర్నిచర్ వ్యాపారం ప్రారంభించి తరువాత బిల్డర్ గా ఎదిగారు. అతనికి ఇద్దరు సోదరీమణులు మరియు సోదరుడు ఉన్నారు. సోదరుడు తణుకులో కెమిస్ట్రీ ప్రొఫెసర్ గా పని చేస్తున్నారు.

కారుమూరి నాగేశ్వర రావు 1989లో విజయవాడ దగ్గర కేసరపల్లి లో జన్మించిన లక్ష్మీకిరణ్‌తో వివాహం జరిగింది. ఈ దంపతులకు కుమారుడు(సునీల్ కుమార్ కారుమూరి), కుమార్తె(దీపికా కారుమూరి)ఉన్నారు.

అతను తన రాజకీయ జీవితాన్ని కాంగ్రెస్ పార్టీలో 2002 నుండి ప్రారంభించాడు, అతను 2009 నుండి 2014 వరకు ఆంధ్రప్రదేశ్ కాంగ్రెస్ కమిటీకి ప్రధాన కార్యదర్శిగా పనిచేశారు. 2009లో మొదటిసారి ఎమ్మెల్యేగా ఎన్నికయ్యే ముందు మూడు సంవత్సరాల పాటు పశ్చిమ గోదావరి జిల్లా పరిషత్ కి అధ్యక్షుడిగా కూడా పనిచేశారు.  2007లో US లోని వెస్ట్‌బ్రూక్ విశ్వవిద్యాలయం ద్వారా సామాజిక సేవలో అతనికి గౌరవ డాక్టరేట్ లభించింది. అతను 9 జూన్ 2013న ఆంధ్రప్రదేశ్ కాంగ్రెస్ కమిటీకి ప్రధాన కార్యదర్శిగా నియమితులయ్యారు. అతను 2019 ఎన్నికలలో YSR కాంగ్రెస్‌కు ప్రాతినిధ్యం వహించి తణుకు నుండి ఎమ్మెల్యేగా రెండవసారి ఎన్నికయ్యారు. అతను ప్రస్తుత ఆంధ్రప్రదేశ్‌లో పౌర సరఫరాలు మరియు వినియోగదారుల వ్యవహారాల క్యాబినెట్ మంత్రి.